Əgər React ilə saytlar düzəldirsənsə, yəqin Next.js adını eşitmisən. Next.js 15 onun ən son versiyasıdır və bir növ “React-ı pro səviyyəyə qaldıran” alətdir. Sadə dillə desək, bu texnologiya saytların daha sürətli, daha çevik və daha peşəkar işləməsi üçün yaradılıb.
Yeni nə var?
- App Router – səhifələr arasında keçid daha sürətlidir.
- Server Components – performans artır, yəni saytın yüklənməsi daha sürətli olur.
- Edge Functions – saytın daha “ağıllı” işləməsinə kömək edir, xüsusən də coğrafi yerləşməyə görə fərqli kontent göstərmək istəyirsənsə.
Niyə öyrənək?
Bu gün sayt və tətbiq düzəltmək istəyirsənsə, sadəcə HTML/CSS bilməklə iş bitmir. Şirkətlər, freelancer işləri və startaplar Next.js kimi framework-ləri bilən insanları axtarır. Ona görə də bu bilik sənə həm CV-də +1 qazandırır, həm də real işlər görmək üçün lazım olur.
Üstəlik, Next.js 15 React-ı daha istifadəli edir. SEO, SSR (server-side rendering), dinamik routing və daha çox şeyləri özündə birləşdirir. Yəni, işini asanlaşdırır və peşəkar nəticələr verir.
Necə öyrənək?
Dürüst desəm, mən də ilk dəfə başlayanda bir az çaşmışdım. Amma sonra qərar verdim ki, öyrəndiklərimi başqaları ilə də paylaşım. Ona görə YouTube-da azərbaycanca video dərsliklər hazırladım.
🎥 Burdan playlistə baxa bilərsən:
👉 YouTube-da Next.js 15 dərsliklərim
Playlistdə aşağıdakılar var:
- Layihənin sıfırdan qurulması
- Routing və layout-lar
- API və server komponentləri
- Deployment – yəni saytı internetə yerləşdirmə
Sonda nə deyim?
Əgər Next.js 15 öyrənmək istəyirsənsə, əlavə mənbələrdə boğulmağa ehtiyac yoxdur. Gəl birlikdə addım-addım öyrənək. Mən artıq yolun bir hissəsini getmişəm, indi sənə yol göstərmək vaxtıdır.